吳浩康演唱會丨Deep感謝太太照顧兒子　邀請地盤工友齊睇騷

娛樂

發布時間： 2024/02/25 19:01

最後更新： 2024/02/25 22:05

熱門東張西望超市大搜查九龍城寨之圍城名校專區癌症殺手家族榮耀之繼承者高才通到校服務會員有獎

▲ Deep在演唱會唱了廿多首金曲。

吳浩康（Deep）昨日（2月24日）在海洋公園舉行演唱會《Deep Reborn》，全場1200名歌迷非常熱情，提早入場霸位，而ERROR成員保錡、吳肇軒、周國豐、伍仲衡、莊韻澄等到場支持。

Deep開騷前表示自己感冒未清，多謝太太代照顧愛兒：「因為太太病仲嚴重過我，但佢為咗可以比我提早入住酒店，自己一個人照顧小朋友。頭先仔仔第一次見我駁髮，佢都呆一呆好似唔認得我咁。」

同時他表示沒預愛兒上台，因為怕兒子被音響嚇到：「舞台啲音響都有翻咁上下勁，我又買漏咗耳罩比佢，唯有下一次先。頭先台上冇多謝太太，因為個騷嚴重Over run，如果我要多謝佢，恐怕講到11點都講唔完。」

吳浩康被封「真漢子」感受之有愧　和張致恆相提並論感不開心

▲ 吳浩康演唱會《Deep Reborn》。

吳浩康請工友睇騷

同時，Deep當晚更邀請地盤工友睇騷，並表示兄弟有點唱，不過他就未能令他們願望成真：「佢哋點唱《到底發生過甚麼事》，如果唱佢地啲心水，就要成Part改歌，會加重隊Band嘅負擔，所以唯有下次先。依家一場就未夠喉，我同主辦傾緊加場定轉場，好似轉場開心啲！紅館唔一定嘅，但下次係更大嘅場地。」

演唱會適逢元宵節，Deep一度落台向Fans逗利是。同時，講到歌手、地盤工程兩邊忙，他坦言時間編排最苦惱：「都計劃出新歌，點都要搵時間出嚟，多謝老闆嘅體諒！至於歌手定地盤開工好搵，呢啲視乎你工種，慢慢咪後再探討。」

▲ Deep落台向Fans逗利是。